الطريقه الاولى هي
trail and error
يعني هتبدء تديله جرعه ولنبدء مثلا ب 30 وحده قبل الغدا وتتابع السكر يوم بعد يوم
وتزود خمسه بخمسه
لحد ما توصل ل 60 هتبدء تقسم الجرعه التلتين الصبح والتلت بليل وكده وتتابع لحد ما نضبط سكر العيان
معايا لحد كده ولا هنجتوا ده احنا لسه في اول طريقه
صحصحوا يا دكاتره
الطريقه التانيه
طريقة الجدول ودي بقى اللي بنعملها في مستشفيات الجامعه لما نحجز حاله مش مضبطه وعايزين نضبطلها الجرعه
بتمشي الحاله على جدول يومين
ايه الجدول ده
الجدول ده بيقولك انت هتقيس للعيان في اليومين دول السكر كل 6 -8 ساعات
وتشوف هو رندمه كام وهتديله انسولين زي ما الجدول بيقول
حد مصحصح هيقولي الجدول بيقول ايه يا دكتوره
هقوله انا سعيده انك سالت السؤال ده ايموشن ابو اسماعيل
150-199 هتدي 5 وحدات انسولين
200-249 هتدي 10 ودات انسولين
250-300 هتدي 15 وهكذا بقى يعني
بس خد بالك لو المريض ده عنده فشل في الكبد او الكلي ما الانسولين كده يا كبير هيانتخ في الجسم ومحدش بيقولوا بره
يبقى هنعلى الجدول يعني هيبقى من 200
ازاي هلاقي حد اكيد تنح مني
اقولكم ازاي
هقيسه برده كل 6 ساعات
واحطه على الجدول
200-249 هديله 5 وحدات
250-299 هديله 10 وحدات
وهكذا يعني
عاوزين مثال عشان الحلوين اللي تاهوا مني
بصوا جاتلنا عيانه وحجزناها النهارده الساعه 6 الصبح
وحطيناها على الجدول
قيسنا للحجه دي السكر الساعه 6 الصبح لقيناه كم 160
قام الجدول قالي اديها 5 ماهي اصل الكبد والكلى بتوع الحجه تمام
جيت على الساعه 3 لقيت السكر مثلا 230 امم الجدول يقولي اديها 10
جيت على الساعه 6 مثلا لقيت الحجه بقت 180 يعني هتاخد 5 وحدات
جيت على 9 لقيت الحجه سكرها 280 الجدول يقول اديها 15 وحده
كده الحجه في اول يوم خدت مثلا 35 وخدت في اليوم التاني مثلا زيهم
يبقى الست دي بتتضبط على 35
تقوم تمشيها على انسولين مكستارد 25 الصبح و 10 بليل
ليست هناك تعليقات :
إرسال تعليق